Panghawakan ang Kanyang mga pangako

Bella Angeles-Abangan

Who rises from prayer a better man, his prayer is answered.


Dininig ng Panginoon ang kanyang panalangin pagka’t nagbago siya. Iyan ang opisina ni George Meredith, isang English poet at novelist.

Maagang naulila si George sa ina at sa gulang na 10 taon ay iniwan siya ng kanyang ama na nagpunta sa America. Pinag-aral siya ng kanyang ina. Nang maglingkod siya sa isang London solicitor ay tinuruan siya nito ng halaga ng pagsusulat.

Ito ang kanyang pagtatapat at payo: Kung nais mong dinggin ng Diyos ang iyong panalangin ay magbagong buhay ka.

Pag-aralan natin ang buhay ng mga taong kilala natin at mga taong nakapaligid sa atin. Piliin natin iyong mga masimbahin at paladasal.

Hindi ‘yong ang pagdasal ay ginagawa ay one-way traffic. Iyon ang paraan na kanilang kinagisnan. Magdasal sa simbahan o sa kanilang bahay na pautos pa: "Panginoon, bigyan Mo po ako. Tulungan Mo po kami."

Matutuklasan natin na ang mga taong ito, na karamihan ay may mga misis na may katungkulan sa pribado at publikong paaralan ay kay tatapang, kayraramot, kayhihirap pakisamahan at makasarili o self-centered.

Paano sila didinggin ng Diyos kung ang kanyang kautusan na mahalin Siya at ang kapwa, lalo na ang mga walang-wala, ay hindi ginagawa?

Sinulat ni Publilius Syrus noong panahon 43 B.C.: "To a hostile mind no prayer can gain entrance."

Diligin natin ng mabubuting gawa at sakripisyo ang ating mga dalangin. Paano tayo papalarin kung nahihirapan ang mga taong nakapaligid sa atin sa pakikisama sa atin. Ang wika ng isang tauhan ng isang malupit na amo: "Parang hindi na siya mamamatay. Ang nasabi niya ay hindi na mababali kahit na mali."

Sinulat ni Jonathan Swift noong 1738, isang Irish satirist: "The prayers of the wicked won’t prevail."

Nararapat marahil na ipagdasal natin ang ating sarili na magbago upang makamtan natin ang ating ipinagdarasal. At ang unang dapat baguhin ay ang ating mga iniisip at paguugali.

Sinulat ng isang edukador: "Change your thoughts and you can change everything."

Samahan natin ng mabubuting gawa ang ating panalangin. Iyan ang ating dilig. Maaari tayong lumikha ng ating sariling Lambarene sa ating puso at sa ating pook. Kahit hindi natin sabihin sa Kanya ang ating pangarap ay Siya na ang bahala.

Narito ang kawikaan ng mga Serbian: "Good deeds are the best prayer."

Ang Gintong KautusanBella

Bella Angeles-Abangan

All seven of the great religions of the world have Golden Rules.
The Hindu: "The true rule is to guard and do by the things of others as you do by your own."
The Buddhist: "One should see for others the happiness one desires for oneself."
The Zoroastrian: "Do as you would be done to you."
The Confucian: What you do not wish done to yourself do not do to others."
The Mohammedan: "Let none of you treat your brother in a way he would dislike to be treated." The Jew: "Whatever you do not wish your neighbor to do to you, do not unto him."
The Christian: "All things whatsoever ye would that men do unto you, do ye even so to them."

Ang magkakasingkahulugang Kautusan ay nagsasabi na kung anong gusto ating gawin ng kapwa natin sa atin ay ganoon ang gawin natin sa kanila.

Hindi natin dapat saktan ang kalooban, ang isip o katawan ng ating kapwa pagkat iyon din ang gagawin sa atin.

Iisa ang kautusan: Huwag mong gawin sa kapwa mo ang ayaw mong gawin sa iyo.

Narito ang isang istorya ng isang dalagang hindi na nag-asawa. Naging doktora ang dalagang ito pagkat noong siya’y dalagita ay pinatigil siya ng kanyang inang labandera sa pag-aaral.

Magtatapos na sa haiskul si Ningning ngunit hiniling ng amo ng ina ni Ningning na siya ang mag-alaga. Wala itong anak kaya’t pati si Sir Victor ay nakiusap na rin kay Ningning na tumigil muna siya ng pag-aaral upang alagaan si Ma’am Gina na may kanser sa bituka.

Hindi makaiwas si Ningning. Iyong tiyaga niya sa gabi at araw ay tinumbasan ng mag-asawa ng malaking halaga nang namatay si Ma’am Gina.

Ang pamantayan ng dalagita ay ito:

"Nais kong anumang gawin ko sa kapwa ay ganoon din ang gawin sa akin."

Maganda ang pag-aalagang ginawa ni Ningning. Nakapagkumpisal ito dahil sa kanya. Hindi naniniwala si Ma’am Gina sa pagkukumpisal sa pari. Ngunit maganda ang kanyang paliwanag.
Kinakausap lagi ng mabait na dalaginding ang matanda. Naliliban ito at nalilimutan ang kanyang sakit.

Maganda ang naging kamatayan ni Ma’am Gina. Sinabi sa kanya na huwag matakot sa kamatayan.

Nag-aral ang dalaga ng medisina. Ang pera na ginamit niya sa pag-aaral ay mula sa "trust fund" na kaloob ng mag-asawa. Hindi pa noon namamatay ang matanda.

At naulit ang kasaysayan. Nag-ampon si Ningning pagka’t hindi na ito nag-asawa.

Iyong ampon niya nang maging dalaga ang nag-alaga sa kanya ng matagal nang magkasakit si Ningning sa puso.

Sabi ni Ningning: "Ganoon pala ang buhay babalik sa atin ang anumang ating ibinigay – iyan ang Gintong Kautusan."